طريقة عمل فقاسه بيض بنفسك

رحت اشتري فقاسه قالي 150 بيضه 1450 ريال و خمسين بيضه 800 ريال واشكالهم عاديه


قلت خلني اجرب اسوي فقاسه فتحت قوقل اول موقع فتح معي القريه الاكترونيه


ورحت اطالع المواضيع واستفدة كثير من المنتدى وكنت اقول صعبه والشباب يقولون اشتر وريح نفسك


قلت لازم اسويها ماخسر كثير والحمدلله كل شي كان عندي بالمزرعه مروحه ولمبات وغيرها من الاحتياج


وسويت طرق كثيره بس هاذي افضل طريقه وصلة له


ملاحظه بعض الصور كبيره وماعرف شلون اصغرهم


بسم الله نبدء وهاذا اول شرح لي واي استفسار انا حاضر


اول شي اخت مكتبة تلفزيون مانبيها في المزرعه وسويته على شكل مربع


وحطيت باب من فوق كما في الشكل ووضعة مفتاح كهرباء لثلاث لمبات والمروحه


للتحكم في الحراره


وغطيتها بعازل حراره من الداخل بشكل كامل

تم تصغير هذه الصورة. إضغط هنا لرؤية الصورة كاملة. الحجم الأصلي للصورة هو 778 * 584.

ثانيه اخت قطعه خشب وثقبتها بالدريل وطرق ثانيه يدويه مثل المبرد


وبعد الانتهاء من التثقيب حطية فوقه قصدير كما في الشكل






ثالثا اخت ماصورة ماء مررته من تحت حامل البيض في النص


وثقبة الفقاسه من جه وطلعة الماصوره حتى يتم التقليب من الخارج


والجه الثانيه حطية مسمار ودخلة الماصوره فيه ويسهل عملية التقليب

تم تصغير هذه الصورة. إضغط هنا لرؤية الصورة كاملة. الحجم الأصلي للصورة هو 778 * 584.

رابعا هاذا الماصوره من برا لعملية التقليب بالفر يمين ويسار

تم تصغير هذه الصورة. إضغط هنا لرؤية الصورة كاملة. الحجم الأصلي للصورة هو 778 * 584.

وضعة المروحه واللمبات من الجنب الاخر كما في الشكل


واللمبات ثلاث وحده 40 واط و 60 واط 100 واط


لانه ماعندي ترمستات اشوف اي واط يخلي الحراره ثابته على 37 او 38 درجه


واخليها شغاله بستمرار على حسب الجو عندنا

تم تصغير هذه الصورة. إضغط هنا لرؤية الصورة كاملة. الحجم الأصلي للصورة هو 778 * 584.

وهاذا وضع شكلها من برا وهي شغاله


وحاسبو على اتجاه المروحه واللمبه ووضعة وعاء ماء تحت قالب البيض للرطوبه

تم تصغير هذه الصورة. إضغط هنا لرؤية الصورة كاملة. الحجم الأصلي للصورة هو 778 * 584.

وضع مقياس الحراره عند البيض كما في الشكل

تم تصغير هذه الصورة. إضغط هنا لرؤية الصورة كاملة. الحجم الأصلي للصورة هو 778 * 584.

وهاذا شكلها من برا وشكل الباب

تم تصغير هذه الصورة. إضغط هنا لرؤية الصورة كاملة. الحجم الأصلي للصورة هو 778 * 584.

وهاذا بعض الصوصه الي فقسو

اتمنى انه الموضوع يكون سهل واي استفسار انا موجود